Koleksioni i AQSHF është krijuar kryesisht nga nga fondi i depozitës legale të prodhimit shqiptar të filluar prej vitit 1947, i cili ka qënë kryesisht prodhim i një qendre të vetme shtetërore, Kinostudio Shqipëria e re, aktiviteti i së cilës fillon në vititn 1953 dhe përfundon në vitin 1992.
- Koleksioni i AQSHF vazhdon të pasurohet nga prodhimi kinematografik shqiptar dhe bashkëpunimet e huaja me kompanitë shqiptare private të prodhimit filmik të cilat kanë filluar prej vitit 1992.
- Në fondin filmik të arkivit të filmit gjenden gjithashtu materiale arkivale të depozitës legale të grumbulluara nga privatizimi i të gjithë filmave artistikë, dokumentarë dhe kronika të prodhimit të huaj që nga shfaqjet e para të veprave filmike në Shqipëri deri në përfundim të luftës së dytë botërore.
- Materiale filmike të depozituara sipas ligjit të depozitës legale të ushtruar që në vititn 1945, kur sipas marrëveshjeve të reja  shtetërore rifillojnë xhirimet e kineastëve të huaj.
- Nga dorëzimi i një kopjeje të prodhimit të huaj të blerë nga distribucioni shtetëror.
- Nga donacione të ndryshme
- Nga xhirime arkivale
- Nga fondi i shkëmbimeve me arkiva të tjera për të siguruar materiale mbi xhirimet shqiptare.
- Nga depozitimi vullnetar në format VHS, për ato filma artistikë dhe dokumentarë të subvencionuara nga Qëndra Kombëtare Kinëmatografike, të realizuara me bashkëprodhues të ndryshëm televizivë.

Përveç koleksionit në pelikulë, në origjinalin e vet të kopjes negative dhe në kopje arkivale në pozitiv, AQSHF ruan dhe mbron edhe materiale të tjera të historisë së krijimit filmik, si skenarin letrar, skenarin regjisorial, listë montazh, fotografi, negativa te fotove, materiale të propagandës, partiturat e muzikës së filmave dhe posterave të tyre.
Ky dokumentacion original shoqërohet me të dhëna të tjera të shumta bibliografike, materiale shtypi, botime të ndryshme për filmin, fotografi të historisë së kinematografisë, të dhëna biografike të kineastëve shqiptarë, si dhe një dokumentacion aparaturash dhe gjithshka tjetër që ka të bëjë me muzeologjinë e filmit.