Datë 24 gusht, ora 11.00, në kinemanë e AQSHF

Arkivi Qendror Shtetëror i Filmit, në bashkëpunim me Qendrën Televizive të Vatikanit, në kuadër të 100-vjetorit të lindjes së Nënë Terezës si dhe në kuadër të vitit jubilar të shenjtores të shpallur nga Qeveria shqiptare, kanë kënaqësinë t’ju ftojnë në një shfaqje filmike të materialeve ekskluzive arkivale, nga veprimtaria e Nënë Terezës.

Këto materiale të rralla, që tashmë janë pjesë e fondit arkival të AQSHF, janë mundësuar nga Televizioni i Vatikanit. Aty përmblidhet një pjesë e veprimtarisë bamirëse së Nënës Terezë në Kalkuta të Indisë, disa nga takimet e saj në vite me Papa Gjon Palin II, vizita e saj në Shqipëri përkrah Papa Gjon Palit II në prill 1993, mitingjet madhështore në Shkodër e në Tiranë, si dhe takimet me presidentin Sali Berisha dhe personalitet e larta të vendit.

Shfaqja do të bëhet nesër, datë 24 gusht, ora 11.00, në kinemanë e AQSHF me adresë Rruga “Aleksandër Moisiu”, Nr. 76/1.

Ju njoftojmë se këto materiale do të shfaqen në ambiente të hapura në datën 25 Gusht 2010, ora 20.00 në qytetin e Beratit si dhe një ditë më pas më 26 Gusht 2010 pranë Muzeut Historik kombëtar.

...

Tashmë mund ta konsultoni fondin filmik të AQSHF online nëpërmjet websitit: albania.archivioluce.com .

http://albania.archivioluce.com/archivioluce/albania/ita/

Ky është kurorëzimi i punës disavjeçare për realizimin e këtij projekti të përbashkët të arkivës online mes AQSHF dhe Institutit LUCE, projekt i iniciuar nga ish drejtoresha e AQSHF Znj. Natasha Lako dhe specialisti i LUCE-s Z. Roland Sejko, dhe i mbështetur më pas edhe nga Z. Ilia Xhokaxhiu, ish-drejtor i AQSHF dhe Z. Artan Minarolli drejtor aktual i AQSHF.

Aktualisht, 382 tituj të përzgjedhur dokumentarësh shqiptarë janë pjesë e arkivës online. Projekti është në vazhdim dhe arkiva online do të pasurohet edhe me tituj të tjerë nga dokumentarët dhe kronikat shqiptare prodhime të periudhës 1945 - 1996, periudhë, pra, që nga fillimet e prodhimit kinematografik shqiptar e deri në vitet e para të demokracisë.

Qëllimi i projektit të arkivës online është t'u japë mundësi studiuesve, studentëve të filmit dhe kineastëve të njihen me fondin dhe materialin arkival që disponon AQSHF, gjithashtu projekti ka qëllime konsultuese, informuese dhe edukative për dashamirësit dhe publikun e gjerë, si dhe synon të bëhet i njohur edhe në vende të tjera të botës për vlerat arkivale dhe historike që disponon.

Materiali është ndarë në gjashtë direktori, sipas viteve të prodhimit, vitet '40, '50, '60, '70, '80, dhe '90. Gjithashtu ka një dritare kërkimi ku mund të kryhet kërkim sipas fjalëve kyç. Filmi është i shoqëruar edhe me kartelën përkatëse me të dhëna si autorët realizues, minutazhi, b/z apo me ngjyra, si dhe një përshkrim i detajuar i filmit.

Materiali filmk i përgatitur për arkivën online është digitalizuar me rezolucion të ulët dhe është i shoqëruar në çdo sekuencë me logon e AQSHF, për ta mbrojtur nga pirateria. Në rast interesimi për blerje sekuencash pas konsultimit online, të interesuarit mund të kontaktojnë në zyrat e AQSHF për tarifat e shërbimit, të drejtat dhe procedurat e tjera.

Falënderojmë specialistët që punuan për vënien në jetë të këtij projekti: Natasha Lako, Naria Qesari, Andi Lubonja, Eriona Vyshka, Engjëllushe Dedja, Artan Minarolli si dhe kolegët italianë të drejtuar nga Drejtori i Arkivit të LUCE-s, Z.Edoardo Cechutti dhe nga Z. Roland Sejko.

...

Nga Flori Slatina

U përcoll për në banesën e fundit aktori i shquar Vangjel Heba “Artist i Merituar”, krijues i dhjetëra roleve në teatër dhe në kinematografi. Ai ndërroi jetë të mërkurën në mëngjes, më 17 tetor, në moshën 74-vjeçare, pas një sëmundjeje të rëndë.

Qindra qytetarë, artistë dhe autoritete të pushtetit vendor dhe qendror zhvilluan homazhe pranë trupit të tij të vendosur në hollin e teatrit “Aleksandër Moisiu”, në skenën e të cilit interpretoi për 35 vjet me radhë dhe ku ai u ndal për herë të fundit.

Homazhe mbi trupin e pajetë të aktorit Heba kreu dhe zv/kryeministri Gazmend Oketa, i cili pasi ngushëlloi familjarët për humbjen e pazëvëndësueshme të njeriut të tyre të dashur, tha për median se “Vangjel Heba do t’i mungojë skenës së Durrësit dhe se ai do të kujtohet jo vetëm si një aktor shumë i mirë, por edhe si një qytetar i nderuar i Durrësit”.

Homazhe në nderim të Artistit të Merituar zhvilluan dhe kryetari i bashkisë Vangjush Dako, prefekti Klodjan Pajuni dhe kryetari i këshillit të rrethit, Seid Kërtusha. Rreth orës 15:30 të ditës së sotme trupi i pajetë i Artistit të Merituar u përcoll për në banesën e fundit.

***

Vangjel Heba u lind në Durrës në 11 mars 1933. Shkollën e mesme e mbaron në Durrës në 1951. Që kur ishte nxënës në shkollën e mesme aktivizohet me amatorët, pasi “më pëlqente shumë letërsia dhe madje recitoja bukur.” Kur ishte në vitin e tretë në 1950 luan rolin e tij të parë në një dramë ruse “Nën gështenjat e Pragës” në trupën amatore të qytetit krahas aktorëve të tjerë. Duke qënë se roli i tij i parë qe i suksesshëm kjo i dha forca dhe shtytje për të vazhduar rrugën e tij drejt artit të skenës dhe të ndryshonte njëkohësisht mendimin e tij të mëparshëm për të mos u marrë me art.

Luajti më vonë edhe disa role të tjerë po me këtë trupë si në dramën “Invadimi” dhe dy drama të tjera në të cilat paraqitet në Olimpiadën Kombëtare dhe fiton çmim për rolin e tij. Në dhjetor të 1952 shkon ushtar në Asamblin e Ushtrisë, krahas aktorëve të tjerë si Piro Mani, Avni Resuli, Esat Oktrova, etj, të cilët themelojnë Teatrin e Ushtrisë. Pas ushtrisë kthehet në Trupën e Teatrit Profesionist të Durrësit të krijuar në 1953 dhe roli i tij i parë ishte roli i Petritit në dramën “Familja e Peshkatarit”, një nga rolet e tij më të mirë dhe më të realizuar në ketë teatër dhe i vlerësuar lart nga shtypi i kohës për interpretimin dinjitoz të Hebës. Më pas vijnë role të tjerë në komeditë e dramat, ku spikasin Anjuckin te “Martesa” e Gogolit, Adem Reka te “Flamur në stuhi”, Berti te “Rrënjë të thella”, te “Revizori”, “Netë shqiptare”, “Hijet e natës”, “Çajka”, etj.

...

Ora 12.00. Projeksion ne 35 mm. Kohezgjatja 80'. Hyrja e lire.

Data 18 gusht 2010

E merkura ne AQSHF sjell:

ME FAL! Perdonami! Itali, 1953, bardhe e zi, 80'

drame, romance

Skenari dhe Regjia: Mario Costa
Muzika: Carlo Rustichelli
Camera: Mario Bava
Piktor: Virgilio Marchi
Ne role: Raf Vallone (Marko), Antonella Lualdi (Ana), Tamara Les (Vera), etj.

Ana, e motra e Nikoles se arratisur sepse dyshohej per pjesemarrje ne vjedhje dhe vrasje, fejohet me Markon. Markon e dashuron dhe Vera, shoqe e punes, e cila deshperohet kur merr vesh per fejesen. Pas 6 vjetesh, kur Ana jeton e lumtur me te shoqin dhe 2 femijet, Nikola kthehet ne qytet dhe qendron i fshehur ne nje hotel. Ai i kerkon se motres, Anes, ta ndihmoje me para. Hyrje-daljet e Anes ne hotel i vezhgon Vera e cila sinjalizon Markon. Marko e ndjek Anen ndersa ajo eshte duke i cuar para te vellait dhe e kap ne nje moment kur nje i panjohur kerkon ta dhunoje. Ana i lutet Markos ta besoje qe nuk ka faj por pa arritur faljen e tij, iken nga shtepia e semure. Pasi gjerat zgjidhen dhe Marko i tronditur meson te verteten, vihet ne kerkim te Anes dhe e arrin ate vetem disa caste para se ajo te hidhet nga gremina.

Mario Costa filloi të punojë në film në vitet '20 duke u marrë me aktivitete të ndryshme që kanë të bëjnë me prodhimin kinematografik si me montazhin, skenaret e dublimeve por edhe me krijime të skenarëve origjinalë. Në 1938, ai realizoi dokumentarin e tij të parë "Shatërvanet e Romës", ndërsa regjinë e filmit të parë e realizoi në 1943 me filmin "Rruga e tij" (La sua strada). Në kohën e pas luftës do të jetë një nga krijuesit kryesorë të filmave muzikorë, të marrë direkt nga operat lirike. I biri, Massimo Costa ka ndjekur me sukses gjurmët e të atit; edhe ai regjisor kinemaje dhe televizioni.

...

Me poshte lista e aktiviteteve te realizuara deri ne muajin Maj 2010 si edhe aktivitetet e parashikuara per realizim.

Per aresye se godina e AQSHF eshte ne rikonstruksion, aktivitetet e programuara do te rifillojne ne sallen e re te kinemase ne muajin Shtator, ku do te kete projeksione te perjavshme nga filmat e fondit tone filmik.

* Dt. 26 shkurt - 76-vjetori i Saim Kokonës

Festimin e 76- vjetorit të kineastit të mirënojhur “Artistit të merituar” Samim Kokona.

Me këtë rast në sallën B të Teatit Kombëtar u promovua edhe katalogu me krijimtairnë e tij filmike si dhe u shfaq një montazh me pjesë nga filmat e xhiruara nga Kokona.

...

Salla e saporestauruar e kinemase se Arkivit te Filmit do te inagurohet me nje ceremoni te vecante gjate muajit Gusht. Per kete ceremoni do te njoftoheni ne kohen e duhur me nje tjeter email.

Nderkohe, ju lutem shihni bashkangjitur programin e shfaqjeve per periudhen Gusht - Dhjetor 2010.

Cdo dite te merkure, te cdo jave, do te kete projeksion filmi ne kinemane e AQSHF. 3 te merkurat e para te muajit projeksioni do te behet ne oren 12.00 ndersa te merkuren e fundit te cdo muaji ne oren 19.00 per periudhen e veres dhe 17.00 per periudhen e dimrit. Te gjitha projeksionet do te jene ne 35 mm dhe hyrja per publikun do te jete falas.

Shfaqjet per publikun dashamires te kinemase jane pjese e punes se Institucionit tone dhe u permbahen ligjit per kinematografine, statutit dhe rregulores se AQSHF. Kane per qellim promovimin e fondit filmik qe ruhet ne AQSHF dhe perhapjen e kultures filmike tek publiku i gjere.

Here pas here do te kete projeksione te organizuara me publik te zgjedhur enkas, sic eshte:

- Projekti me shkollat; projeksione te filmave per studentet e kinemase ne Akademine e Arteve dhe Akademine Marubi. Projeksione me tema qe studiohen ne shkollat 9vjecare apo te mesme ne lenden e letersise, ku si publik do te jene nxenesit e shkollave bashke me mesuesit e tyre.

- Avant Premiera te filmave te rinj, prodhime te huaja qe do te qarkullojne ne kinemate e rrjeteve Imperial dhe Millenium. Avant Premiera ne AQSHF do te behet per nje publik te ngushte te perbere nga kineaste dhe kritike e gazetare te kinemase ne menyre qe ata te njihen me filmin dhe te shkruajne per te perpara shfaqjes per publikun e gjere ne kinemate e qyteteve. Aktualisht marreveshja eshte bere vetem me rrjetin e kinemave Imperial por pritet te mbyllet edhe me rrjetin e kinemave Millenium.

- Projeksione te porositura; ku grupe te organizuara dashamiresish te kinemase mund te depozitojne ne Redaksine e AQSHF kerkesen e tyre per filmin qe duan te shohin, pasi te jene konsultuar me listen e filmave ne dispozicion. Grupi duhet te jete mbi 5 persona.

...