• AQSHF është në gadishmëri të mbrojtjes, ruajtjes dhe kujdesit profesional për çdo kuadër filmi, për ta mbrojtur atë nga të gjithë rreziqet e dëmtimeve dhe për t’i shtuar kështu jetëgjatësinë. Megjithëse AQSHF nuk ka laborator restaurues ajo bashkëpunon me laboratorin e Albafilm dhe laboratoret e tjera të specializuara.
  
  
• AQSHF është e gatshme të japë informacion për çdo prodhim të fondit të vet, për çdo kineast dhe për çdo eveniment të historisë së kinematografisë shqiptare ose botërore si nëpërmjet vizionit ashtu edhe dokumentacionit të gjërë informues të përgatitur prej tij.
  
  
• AQSHF është e gatshme t’i shërbejë prodhimit të ri shqiptar ose të huaj, si dhe mediave te tjera audiovizuale nëpërmjet shfrytëzimit të pasurisë së saj arkivale të materialeve në 35 mm dhe shërbimeve të tjera të transferimit të formatit
  
  
• AQSHF ka si mision të mbrojë dhe të përhapë si urë lidhëse midis brezave, kujtesën filmike shqiptare dhe për këtë programon shfaqje filmash me vlerë kulturore, historike dhe dokumentare për një publik sa më të gjërë duke filluar nga nxënësit e shkollave, studentët, studiuesit e fushave të ndryshme si dhe për audiencën e dashamirësve të filmit.

AQSHF I BËN THIRRJE TË GJITHË KINEASTËVE SHQIPTARË TË JAPIN KONTRIBUTIN E TYRE NË PASURIM TË DOKUMENTACIONIT TË HISTORISË SË KINEMATOGRAFISË SHQIPTARE, ME KUJTIME, DORËSHKRIME DHE ÇDO LLOJ MATERIALI TJETËR QE KA TË BËJË ME PRODHIMIN DHE KRIJIMIN E FILMIT ARTISTIK, DOKUMENTAR DHE KRONIKAL SHQIPTAR.